Meginmarkmið náms á rafiðnabraut rafiðna er að veita almenna og faglega undirstöðumenntun undir sérnám í
rafiðngreinum, þ.e. rafeindavirkjun, rafvirkjun og rafvélavirkjun, rafveituvirkjun, símsmíði og kvikmyndasýningarstjórn
og er jafnframt skilyrði til innritunar í sérnám þessara greina. Meðalnámstími er fjórar annir í skóla.
Almennar greinar 23. ein
Íslenska |
ÍSL 102 202 |
4 ein. |
Erlend tungumál |
ENS 102 DAN 102 + 4 ein. (Norska eða sænska) |
8 ein. |
Stærðfræði |
STÆ 102 122 |
4 ein. |
Lífsleikni |
LKN 102, 201 |
3 ein. |
Íþróttir |
ÍÞR 101 201 301 401 |
4 ein. |
Sérgreinar 57. ein
Rafeindatækni og mælingar |
RTM 102 202 302 |
6 ein. |
Raflagnir, reglugerð, efnisfræði |
RAL 103 203 302 402 |
10 ein. |
Rafmagnsfræði og mælingar |
RAM 103 203 303 403 |
12 ein. |
Skyndihjálp |
SKY 101 |
1 ein. |
Stýringar og rökrásir |
STÝ 102 202 302 402 |
8 ein. |
Tölvur og netkerfi |
TNT 102 202 303 403 |
10 ein. |
Verktækni |
VGR 102 202 303 403 |
10 ein. |
Samtals 80 ein.
Lokamarkmið náms á rafiðnabraut
Meginmarkmið náms á rafiðnabraut rafiðna er að veita almenna og faglega undirstöðumenntun undir sérnám í rafiðngreinum.
Að loknu námi á rafiðnabraut á nemandi að
- þekkja störf og starfsumhverfi innan rafiðnaðarins og vita um námsleiðir að loknu námi á rafiðnabraut
- gera sér grein fyrir sögulegu og menningarlegu mikilvægi raforku og raforku-mannvirkja og mikilvægi umhverfisverndar í atvinnugreininni
- kunna skil á helstu ákvæðum reglugerðar varðandi raforkuvirki
- kunna skil á öryggisráðstöfunum á vinnustað og mikilvægi heilsuverndar
- geta unnið í samræmi við gæðakröfur og staðla sem gilda í rafiðnaði og unnið eftir verklagsreglum og gátlista
- geta notað helstu hand- og rafmagnsverkfæri í rafiðnaði í samræmi við viðteknar öryggiskröfur og þekkja almennar varúðarráðstafanir í umgengni við rafmagn
- þekkja helstu efni sem unnið er með í rafiðnaði
- geta lesið og skilið teikningar og verklýsingar af raflögnum og rafeindarásum
- geta lagt raflagnastokka og rennur og sett raflagnir og endabúnað í þær
- geta lagt og tengt boðskiptalagnir og þekkja helstu tengi og samskiptastaðla
- þekkja notkun tölvutækni við hönnun, teikningu, hermun, áætlanagerð og kostnaðarútreikninga
- geta sett upp hugbúnað til að tengja tölvur saman á neti, við internetið og sett upp helstu internetforrit s.s. póstforrit og vafra
- þekkja heiti og hugtök í rafmagnsfræði og geta reiknað út mismunandi rafmagnsrásir
- geta notað algengustu mælitæki við ástands- og bilanagreiningu á raflögnum og rafeindarásum
- þekkja virkni helstu gerða aflstýringa og rafmótora
- geta reiknað út og smíðað einfaldar rafeindarásir með virkum og óvirkum íhlutum
- þekkja virkni skynjara og tengingu þeirra við rafeindarásir
- þekkja helstu tæki sem notuð eru við miðlun
- geta stillt upp jöfnum og einfaldað rökrásir
- geta hannað og tengt segulliðastýringar og einfaldar loftstýringar
- geta forritað og tengt litlar stýrivélar og raðað saman einingum til að mynda iðnaðarregla
- þekkja uppbyggingu tölvunnar og helstu einingar hennar, geta tengt jaðartæki og sett upp rekla fyrir þau
- geta sett upp stýrikerfi á tölvu og algengasta notendahugbúnað s.s. ritvinnslu, töflureikni og þess háttar