Reglur fyrir notendur tölvukerfis

Tölvubúnađur skólans er einungis ćtlađur til náms, kennslu og annars sem samrćmist markmiđum VA. Kerfisstjóri hefur yfirumsjón međ öllum tölvubúnađi

Reglur fyrir notendur tölvukerfis

Tölvubúnaður skólans er einungis ætlaður til náms, kennslu og annars sem samræmist markmiðum VA. Kerfisstjóri hefur yfirumsjón með öllum tölvubúnaði skólans.

Að öðru leyti er vísað til reglna FS-netins. Notendur kerfisins skulu að kynna sér þessar reglur þar sem þeir eru ábyrgir samkvæmt þeim.

Brot á þessum reglum geta leitt til lokunar á aðgangi að tölvukerfi skólans og - sé um alvarlegt eða endurtekið brot að ræða - brottvísunar úr skóla.

Notendur skulu kynna sér þessar reglur vel:

  • Tölvustofan er ætluð þeim nemendum skólans sem vilja vinna að verkefnum tengdum námi þeirra í skólanum og hafa þeir forgang að tölvuverinu.
  • Tölvustofan er opin frá kl. 08:00 til 17:00 mánudag til fimmtudags og föstudaga frá 08:00 til 16:00. Stofan er lokuð á meðan kennsla stendur yfir í henni. Nemendur eru beðnir að fara tímanlega út úr stofunni áður en kennsla hefst.
  • VA áskilur sér rétt til að fara yfir, skoða og eyða gögnum og hugbúnaði á gagnasvæðum nemenda til að tryggja að reglum um notkun búnaðarins sé fylgt.
  • Forðast skal að hafa gagnaflutninga inn á netkerfi skólans svo umfangsmikla að þeir valdi óþarfa álagi.
  • Ganga skal snyrtilega um og taka til áður en tölvustofan er yfirgefin.
  • Í tölvustofunni á að vera friður og næði til vinnu.

Óleyfilegt er:

  • að lána öðrum aðgangsorð sitt að neti skólans.
  • að nota aðgang að tölvukerfi skólans til að komast ólöglega inn á net eða tölvur í eigu annarra.
  • að sækja, senda, geyma eða nota forrit á netkerfið sem ætluð eru til innbrota eða annarra skemmdarverka.
  • að breyta vinnuumhverfi á tölvum þannig að það hafi áhrif á umhverfi og notkunarmöguleika annarra notenda.
  • að breyta, afrita eða fjarlægja vélbúnað, hugbúnað eða gögn sem eru í eigu VA eða annarra án leyfis viðkomandi eiganda.
  • að setja inn hugbúnað á tölvur skólans án samþykkis kerfisstjóra.
  • að senda, sækja eða geyma efni sem er ólöglegt eða bersýnilega grefur undan almannaheill (klám, kynþátta-, hryðjuverka- og ofbeldisáróður, o.þ.h.)
  • að dreifa persónulegum pósti frá öðrum án samþykkis viðkomandi.
  • að senda keðjubréf.
  • að hlusta á útvarp eða horfa á sjónvarp í gegnum Veraldarvefinn, nema það sé lagt fyrir sem námsefni af kennara.
  • að neyta matar og drykkjar í tölvustofu. 

Brot á þessum reglum geta leitt til lokunar á aðgangi að tölvum og netpósti. Sé um alvarleg eða endurtekin brot að ræða, brottvísunar úr skólanum.

Svćđi