Lýsing
Í áfanganum er unnið að því að nemendur séu vel í stakk búnir til að marka sér framtíð og bera ábyrgð á þeirri leið sem þeir kjósa eftir útskrift. Kenndar eru leiðir til að efla sjálfsþekkingu og að taka ákvarðanir á yfirvegaðan hátt. Áhersla er lögð á að nemendur séu meðvitaðir um þá óþrjótandi möguleika sem í boði eru í framhaldsnámi hérlendis og erlendis og þekki leiðir til að afla upplýsinga á þessu sviði.
Einingar 2
Þekkingarviðmið
Nemandi skal hafa öðlast þekkingu og skilning á:
- kenningu John Hollands um áhugasvið
- leiðum til að efla styrkleika og vinna með veikar hliðar
- gerð náms- og starfsferilsskráa
- framboði á framhaldsnámi hérlendis og erlendis og leiðum til að afla upplýsinga um nám og störf
- mikilvægi þess að hafa áhrif og geta beitt sér í samfélaginu
- eigin áhugasviði og hvert stefnir að loknu framhaldsskólanámi
Leikniviðmið
Nemandi skal hafa öðlast leikni í að:
- finna upplýsingar um nám og störf og átta sig á kröfum sem gerðar eru til einstaklinga í mismunandi námi og störfum
- skoða ólík störf og starfsumhverfið sem þeim tengist og afla sér upplýsinga um réttindi og skyldur á vinnumarkaði
- koma skoðunum sínum á framfæri, taka afstöðu og beita sér fyrir ákveðið málefni
Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:
- til að þróa náms- og starfsferil sinn á uppbyggilegan hátt
- nýta styrkleika sína sem best
- greina málefni sem bæta þarf í samfélaginu
- vera ábyrgur í afstöðu sinni til samfélagslegra málefna