Tæknidagur fjölskyldunnar

Tæknidagur fjölskyldunnar hefur verið haldinn frá árinu 2013 í samstarfi Verkmenntaskólans og Austurbrúar. Árið 2020 kom Matís inn í stýrihóp dagsins.

 

Markmiðið með þessum degi er að vekja áhuga almennings á fjölbreyttum og spennandi viðfangsefnum tækni, verkmennta og vísinda og örva sköpunargleði. Einnig að vekja athygli barna- og ungmenna á fjölbreyttum náms- og starfsmöguleikum á þessum sviðum.

Á deginum er allur skólinn opinn og ýmislegt í gangi frá nemendum- og kennurum, sérstaklega í verk-, tækni- og náttúrufræðinámi. Einnig hafa stofnanir, fyrirtæki og einstaklingar sem starfa í iðn- og tæknigeiranum og/eða nýta áhugaverða tækni í starfsemi sinni tekið virkan þátt í deginum. Fljótlega fór dagskráin að sprengja utan af sér og var íþróttahúsið einnig lagt undir dagskránna ásamt bílaplaninu á milli húsanna. Í gegnum tíðina hefur verið hægt að sjá kynningar á ýmsum tæknibúnaði, vísindatilraunir, krufningar og margt fleira enda spanna hugtökin tækni, verkmenntir og vísindi ansi vítt svið.

Hér má finna frekari upplýsingar um Tæknidaginn:

Facebooksíða

Heimasíða Tæknidagsins - Hér kemur dagskrá o.fl. þegar nær dregur hverjum degi

 

Umfjöllun um Tæknidaginn 

Tæknidagur 2017:

https://www.youtube.com/watch?v=nJkXsOj6ydc&t=7s

Umfjöllun á N4 – að austan um Tæknidaginn 2016 (byrjar á mín 07:50):

http://www.n4.is/is/thaettir/file/ad-austan-28

Umfjöllun RÚV frá Tæknidegi 2015:

http://www.ruv.is/node/951410