Rýmingaráætlun

Rýmingaráætlun Verkmenntaskóla Austurlands (VA)

Nemendur

1. Ef brunaviðvörunarkerfi skólans fer í gang skulu nemendur yfirgefa skólann og velja auðveldustu leiðina út sé hún fær, annars skal nota neyðarútganga.
2. Ef nemendur eru í kennslustund skulu þeir hlýða fyrirmælum kennara og halda hver í annan og halda hópinn.
3. Þegar komið er út úr skólanum eiga allir nemendur að fara í hópum á bílastæði milli íþróttahúss og bóknámshúss. Ef reyk leggur yfir íþróttahúsið fara allir út fyrir skólann og á bílastæði við verkkennsluhúsið.
4. Þegar kennslustofa hefur verið rýmd skal sá sem fer síðastur út loka og setja stól á hlið fyrir dyrnar.
5. Nemendur halda hópinn í hverjum áfanga, kennari tekur nafnakall þegar út er komið.
6. Ef kviknar í má EKKInota lyftuna
7. ALDREI skal fara á móti reyk eða í gegnum reyk

                     ____________________________________________________________________

Starfsfólk

1. Ef brunaviðvörunarkerfi skólans fer í gang skal starfsfólk skólans sem ekki er bundið yfir nemendum fara yfir nærliggjandi rými þar sem það er statt áður en farið er út. Tilkynna skal hvaða svæði er yfirfarið hjá skráningaraðila. Velja skal auðveldustu leiðina út sé hún fær, annars skal nota neyðarútganga.
   
   
2. Kennarar í kennslustofum bera ábyrgð á sínum hópi og taka tölvur sínar með út. Allar framkvæmdir kennara skulu framkvæmdar á rólegan og yfirvegaðan hátt. Hann velur auðveldustu leið út strax.
   Nemendur haldi hver í annan og gangi í röð út og þeir fylgja kennaranum þar til hann hefur tilkynnt hópinn hjá skráningaraðila. Þegar kennslustofa hefur verið rýmd skal sá sem fer síðastur út loka og setja stól á hlið fyrir dyrnar.
   
   
3. Strax skal hringja í 112 og tilkynna um ástand.
   a) Húsvörður kannar stjórnstöð og hringir strax í Neyðarlínuna 112. Leiki vafi á hvort húsvörður sé til staðar skulu stjórnendur hringja í 112.
   b) Ef ekki reynist þörf á aðstoð frá Neyðarlínu er mikilvægt að afturkalla fyrri boð.
   c) Ef starfsmaður kemur að eldi skal hann meta hvort hann hafi tök á að slökkva eldinn strax með slökkvitæki eða brunaslöngu. Ef ekki, skal loka því rými sem eldur er laus í til að hindra útbreiðslu.
   
   
4. Rými sem hefur verið tæmt skal lokað og stóll látinn á hlið fyrir dyrnar. Þessi aðgerð flýtir fyrir reykköfun og merkir að ekki sé þörf á að leita í því rými.
   
   
5. Ef reykur er á göngum skal velja aðrar útgönguleiðir eða bíða eftir hjálp slökkviliðs. Reyk í stofum skal fyrirbyggja með því að troða blautum fötum undir hurðir.
   
   
6. Skráningaraðili (Aðstoðarskólameistari - til vara fjármálastjóri) :
   Skráningaraðili skólans skal staðsettur úti á söfnunarsvæði, milli íþróttahúss og bóknámshúss, og tekur við upplýsingum um fjölda nemenda frá hverjum kennara sem kemur út með sinn hóp og skráir líka upplýsingar annars starfsfólks sem athugar aðra staði en stofur. Skráningaraðili er síðan tengiliður við björgunaraðila.
   
   
7. Starfsfólk sér um að rýma allt húsnæði sem þarf að rýma. Kanna þarf hvort einhver þurfi hjálp á leið út, t.d. vegna fötlunar, slysa eða veikinda, og sér til þess að allir mæti á söfnunarsvæði og tilkynni til skráningaraðila.
   
   
8. Ef nemanda vantar skal koma boðum til skráningaraðila á söfnunarsvæði.

Rýmingaráætlun á alltaf að finna upp á vegg við innganga, í skólastofum og þar er líka að finna gátlista fyrir starfsfólk.

Síðast breytt 30.05.2025