Saumadagur umhverfisnefndar VA

Umhverfisnefnd VA hefur verið ansi sýnileg á síðustu misserum og er m.a. komin með aðgang á Instagram sem við hvetjum nemendur, starfsfólk, forsjáraðila og aðra áhugasama til að fylgja undir nafninu umhverfisnefnd.va

Í gær stóð nefndin fyrir saumadegi í matsal skólans þar sem textíll var endurnýttur og jólagjafapokar saumaðir úr gömlum dúkum og gardínum. Það var ansi hugguleg stund sem vonandi er komin til að vera í aðdraganda jólanna hjá okkur en boðið var upp á kakó og piparkökur og jólatónlist. 

Hér að neðan má sjá nokkrar myndir frá saumaviðburðinum ásamt glæsilegum pokum sem nemandi okkar við skólann saumaði og ætlar að nýta í jólagjafainnpökkun síðar í desember.