Fréttir

Móðir allra íþrótta hét fyrirlestur sem fram fór í fyrirlestrasal VA í dag þriðjudaginn 4.febrúar um körfubolta. Íþróttaakademían fékk Ágúst Inga Ágústson sem hefur stjórnað körfuboltainnlögn hjá íþróttaakademíunni með verklegum íþróttatímum á þriðjudagsmorgnum kl. 7.10 í íþróttahúsinu. Nemendur VA eru svo með körfuboltaæfingar á kl. 19 á þriðjudögum og á miðvikudögum kl. 18, þar sem Ágúst er oftast mættur í körfu með nemendum sem hafa tekið þessum æfingum fagnandi.

Eins og kunnugt er þá stóð VA fyrir verknámsviku síðastliðið vor ásamt Fjarðabyggð og fyrirtækjum í Fjarðabyggð. Um er að ræða námskynningu fyrir nemendur í 9. bekk með það að markmiði að kynna verknám almennt séð og starfsemi VA. Áframhald verður á þessu verkefni og verður verknámsvikan aftur í boði í júní fyrir nemendur í 9.bekk í Fjarðabyggð.

VA tapaði í 16 liða úrslitum fyrir Kvennaskólanum. Lokatölur urðu 20-12. Átta lið eru komin í sjónvarpskeppni Gettu betur eftir viðureignir helgarinnar. Dregið var í viðureignirnar strax að lokinni síðustu útvarpskeppninni í kvöld og kom þá í ljós hvaða lið mætast fyrir augum allra landsmanna. Úrslit í viðureignum dagsins fóru á þann veg að lið Fjölbrautaskóla Vesturlands á Akranesi sigraði lið Fjölbrautaskóla Suðurlands 16 - 13, MH hafði betur gegn Menntaskóla Borgarfjarðar með 25 stigum gegn 12. Lið Menntaskólans á Akureyri lagði lið Fjölbrautaskóla Norðurlands vestra 16 - 4 og viðureign Menntaskólans í Reykjavík gegn Fjölbrautaskóla Snæfellinga lauk með sigri MR 24 - 7. Sigurlið dagsins bættust í hóp fjögurra sigurvegara frá því í gær og eru komin áfram í átta liða úrslit keppninnar sem hefst næsta föstudag. Liðin sem keppa munu í sjónvarpi eru Verzlunarskóli Íslands, Fjölbrautaskólinn í Garðabæ, Borgarholtsskóli, Kvennaskólinn í Reykjavík, Fjölbrautaskóli Vesturlands á Akranesi, Menntaskólinn við Hamrahlíð, Menntaskólinn á Akureyri og Menntaskólinn í Reykjavík. Dregið var í viðureignir í sjónvarpi í lok annarrar umferðar og drógust eftirfarandi lið saman: 31. janúar FVA - MA 7. febrúar Kvennó - MH 14.febrúar FG - Borgarholtsskóli 21. febrúar MR - Versló Undanúrslit fara fram 28.febrúar og 7.mars og úrslitaþáttur Gettu betur verður föstudaginn 14.mars í Háskólabíó.

Gettu betur lið VA vann frækinn sigur á góðu liði áskorenda. Úrslitin urðu 28-13. Á morgun mætir VA liði Kvennaskólans. Keppninni verður útvarpað á Rás 2 kl.21:30 annað kvöld.

Á morgun, föstudag, kl.13:40 mætir gettu betur lið VA áskorendaliði. Áskorendaliðið verður skipað gömlum kempum. Keppnin fer fram í stofu 1. Á laugardaginn mætir VA svo Kvennaskólanum í 2.umferð í Gettu betur. Viðureignir í 2.umferð drógust sem hér segir: laugardagur 25.jan kl.14:00 Verzlunarskóli Íslands - Menntaskólinn á Ísafirði kl.14:30 Fjölbrautaskóli Garðabæjar - Menntaskólinn í Kópavogi kl.21:00 Borgarholtsskóli - Fjölbrautaskóli Suðurnesja kl.21:30 Kvennaskólinn - Verkmenntaskóli Austurlands sunnudagur 26.jan kl.14:00 Fjölbrautaskóli Vesturlands á Akranesi - Fjölbrautaskóli Suðurlands kl.14:30 Menntaskólinn við Hamrahlíð - Menntaskóli Borgarfjarðar kl.21:00 Menntaskólinn á Akureyri - Fjölbrautaskóli Norðurlands vestra kl.21:30 Menntaskólinn í Reykjavík - Fjölbrautaskóla Snæfellinga.

Myndir frá skólafundinum í morgun eru komnar í myndasafnið hér á síðunni. Hér fyrir neðan (smellið á fyrirsögn) má sjá bréf skólameistara sem dreift var á fundinum.

Í kvöld var dregið í viðureignir annarrar umferðar Gettu betur á Rás 2. Fimmtán sigurlið úr fyrri umferð komast áfram í aðra umferð ásamt stigahæsta tapliðinu sem er að þessu sinni lið Fjölbrautaskóla Vesturlands á Akranesi sem hlaut 24 stig eftir jafna og æsispennandi keppni við lið Kvennaskólans. Viðureignir drógust sem hér segir: laugardagur 25.jan kl.14:00 Verzlunarskóli Íslands - Menntaskólinn á Ísafirði kl.14:30 Fjölbrautaskóli Garðabæjar - Menntaskólinn í Kópavogi kl.21:00 Borgarholtsskóli - Fjölbrautaskóli Suðurnesja kl.21:30 Kvennaskólinn - Verkmenntaskóli Austurlands sunnudagur 26.jan kl.14:00 Fjölbrautaskóli Vesturlands á Akranesi - Fjölbrautaskóli Suðurlands kl.14:30 Menntaskólinn við Hamrahlíð - Menntaskóli Borgarfjarðar kl.21:00 Menntaskólinn á Akureyri - Fjölbrautaskóli Norðurlands vestra kl.21:30 Menntaskólinn í Reykjavík - Fjölbrautaskóla Snæfellinga. Í lok síðustu viðureignar á sunnudag er dregið í viðureignir í sjónvarpi sem fara fram frá 31.janúar til 14.mars. Spyrill Gettu betur er Björn Bragi Arnarson, spurningahöfundar og dómarar eru Margrét Erla Maack og Steinþór Helgi Arnsteinsson

Þriðjudaginn 21. janúar verður haldinn skólafundur samkvæmt skóladagatali. Fundurinn verður settur kl.10:30 í stofu 1 og stendur til kl.11:35. Skólasóknarreglurnar eru til umræðu að þessu sinni. Á fundinn eru boðaðir allir starfsmenn og nemendur skólans. Skólameistari