Maður er manns gaman

Upplestur á frétt.

Í áfanganum Leiðtogahæfni, sjálfsþekking og framtíðin hefur fjarkennslan markað sín spor á efnistökin. Kennslustund sem fór fram nýlega lýsti Petra Lind kennari svona: "Svo eyddum við tíma í að lesa okkur til um fjórðu iðnbyltinguna og ræða hlutverk mannfólksins og hvort vélarnar gætu tekið yfir allt. Þar var skilað pælingum í afurð að eigin vali og þar birtist þetta stórkostlega ljóð." 

Ljóðið á sérstaklega vel við á þeim tímum tæknilausna sem við búum við.

Störf framtíðar

Það er erfitt að segja til um

hvað framtíðin ber í skauti sér

 

Enda hefði verið ómögulegt

fyrir áratugum síðan

að segja til um hver staðan yrði í dag

 

Aftur á móti er hægt

að geta sér til um gang framtíðar

geta í eyðurnar

út frá fenginni reynslu

því sem sagan hefur kennt okkur

 

Á þessari tækni öld

sem gjarnan er kölluð

fjórða iðnbyltingin

eru ýmis störf á undanhaldi

 

Skjáir - tölvur - vélar

koma í staðin fyrir fólk

fólk úr holdi og blóði

með mannlegar tilfinningar

sem gera mannleg mistök

 

Vélarnar geta verið hagstæðari

fyrir atvinnurekandann

þegar til langs tíma er litið

vél krefst ekki hærri launa

vél er ekki heima með veikt barn

vél er ekki með vesen

 

En vél er heldur ekki með tilfinningar

vél getur ekki skapað

vél getur ekki átt í samræðum

ekki þýðingarmiklum samræðum

 

Vélar geta ekki aðstoðað

þá sem eiga bágt

þær geta ekki verið til staðar

vélar geta hvorki skapað

hamingju né sorg

í gegnum list

líkt og mannfólkið er fært um að gera

 

Því er ljóst að við

mannfólkið

munum alltaf þarfnast annarra manna

maður er manns gaman

 

Steinunn Dagmar Björgvinsdóttir