23.08.2013
Veðrið lék við nemendur og starfsfólk þegar skólinn var settur í gærmorgun. Er þetta í fyrsta skipti sem skólinn er settur undir berum himni. Myndirnar tala sínu máli.
http://www.va.is/is/skolatorg/myndasafn/skolasetning-haust-2013
Lesa meira
22.08.2013
Getum bætt við nemendum í bók- og verknám, iðnmeistaranám, nám til viðurkennds bókara, námsbraut fyrir stuðningsfulltrúa í grunnskólum og leiðbeinendur í leikskólum og á sjúkraliðabraut. Laus pláss eru á heimavist skólans. Nánari upplýsingar um námsframboð o.fl. er að finna hér á síðunni. Skólasetning verður fimmtudaginn 22.ágúst kl. 08.30.
Lesa meira
21.08.2013
Skólasetning verður kl.8:30 á morgun fimmtudag. Skólameistari heldur stutt ávarp og setur svo skólann. Skólasetningin verður haldin undir berum himni (við suðurhlið skólans). Að lokinni skólasetningu hitta nemendur umsjónarkennara. Frá kl. 10:00 til 14:00 verður keyrð hraðtafla sem umsjónarkennarar dreifa en einnig verður hægt að nálgast hana hjá ritara. Skólinn býður öllum nemendum og starfsfólki upp á súpu í hádeginu í mötuneyti skólans á heimavistinni. Á föstudaginn verður skólahald samkvæmt stundatöflu.
Lesa meira
20.08.2013
Nemendur geta skoðað stundaskrár í Innu frá kl. 13:00 þriðjudaginn 20. ágúst. Þeir nemendur sem ekki hafa aðgang að Innu eru beðnir um að senda Viðari kerfisstjóra póst – vidar@va.is
Lesa meira
13.08.2013
Getum bætt við nemendum í bók- og verknám, iðnmeistaranám, nám til viðurkennds bókara, námsbraut fyrir stuðningsfulltrúa í grunnskólum og leiðbeinendur í leikskólum og á sjúkraliðabraut. Laus pláss eru á heimavist skólans. Nánari upplýsingar um námsframboð o.fl. er að finna hér á síðunni.
Skólasetning verður fimmtudaginn 22.ágúst kl. 08.30.
Lesa meira
21.06.2013
Starfsfólk VA er nú komið í sumarfrí. Skrifstofa skólans er lokuð frá og með 24. júní til 8. ágúst er hún opnar á ný. Skólinn óskar öllum starfsmönnum sínum og nemendum gleðilegs sumars. Minnt er á að GSM skólameistara er 8918036.
Lesa meira
21.06.2013
Sparisjóður Norðfjarðar veitti listaakademíu (LIA) VA veglegan peningastyrk nýverið. Skólinn þakkar kærlega fyrir það. Leikfélag skólans, Djúpið og LIA hafa á síðasta skólaári og áður hlotið veglega styrki sem einnig eru margs þakkarverðir og ekki síður sá mikli skilningur á starfsemi skólans sem að baki liggur. Eftirtöldum aðilum og öðrum sem styrkt hafa listastarfsemi í skólanum þökkum við af heilum hug. SÚN, SVN, Egill rauði, Alcoa Fjarðaál, Menningarráð Austurlands, Fjarðabyggð, Íslandsbanki og Landsbankinn.
Lesa meira
07.06.2013
Nemendurnir 54 í Vinnuskóla Fjarðabyggðar fóru ánægðir og stoltir heim eftir viku vinnu við að kynna sér verknám í VA. Þær eru líka ánægðar í lokin Unnur Ása Atladóttir og Þorbjörg Ólöf Jónsdóttir, tveir af skipuleggjendunum með einn smíðisgripinn.
Lesa meira
06.06.2013
Verkmenntaskóli Austurlands býður upp á nám til undirbúnings fyrir próf á vegum efnahags- og viðskiptaráðuneytisins til viðurkennds bókara skv. 43. grein laga nr. 145/1994 um bókhald ef næg þátttaka næst. Námið mun fara fram haustið 2013 og haustið 2014.
Á haustönn 2013 verðu kennt einu sinni í viku frá kl. 15:00 – 17:30 í húsnæði Verkmenntaskóla Austurlands. Námið er hægt að senda út í fjarfundabúnaði á Austurlandi. Mætingaskylda er í námið.
Lesa meira
03.06.2013
Í Verkmenntaskóla Austurlands er bryddað upp á merkilegri nýjung vikuna 3. – 7. júní. Þetta er samvinnuverkefni Vinnuskóla Fjarðabyggðar og VA um kynningu á verknámi fyrir grunnskólanemendur. Allir þeir sem luku 9. bekk grunnskóla í Fjarðabyggð í vor og skráðir eru í Vinnuskóla Fjarðabyggðar, hefja vinnuna í Verkmenntaskóla Austurlands. Þar starfa þeir í hópum í fjórum deildum skólans, málm-, tré-, hár- og rafdeildum undir leiðsögn kennara. Á verkstæðunum skapa þeir hluti s.s. ostabakka úr tré og snaga úr málmi sem þeir eiga til minninga. Lokadagur vikunnar er svo uppskerudagur þar sem foreldrum og velunnurum er boðið.
Undirbúningur að þessu verkefni hefur staðið frá því að hugmyndin fæddist sl. vor í kynnisferð starfsfólks Verkmenntaskóla Austurlands til Svíþjóðar. Fyrirtæki í Fjarðabyggð styðja við verkefnið fjárhagslega og er verkaskipting milli aðila þessi: Verkmenntaskóli Austurlands skipuleggur verkefnið heldur utan um það og leggur til húsnæðið. Kennarar skólans sjá um kennsluna og allt sem að henni lýtur. Sveitarfélagið Fjarðabyggð greiðir nemendum Vinnuskólans laun og skipuleggur ferðir þeirra. Stuðningsaðilarnir greiða laun kennara, efniskostnað og ferðalög til og frá skólanum. Þau fyrirtæki eru Alcoa Fjarðaál, Eskja, G. Skúlason, Launafl, Loðnuvinnslan, Síldarvinnslan og Vélaverkstæði Hjalta Einarssonar.
Það er mikil áhersla á kynningu iðn- og tæknináms í landinu. Þar liggja tækifæri ungs fólks til náms og atvinnu. Fjarðabyggð er mjög öflugt atvinnusvæði ekki síst m.t.t. starfa í iðnaði. Það er von þeirra sem að þessu standa að þessi tilraun skili sér í meiri aðsókn í iðn- og tækninám á komandi árum.
Lesa meira
