05.03.2013
Kristín Tómasdóttir og Snorri Björnsson koma og halda fyrirlestra fyrir nemendur VA á opnum dögum. Fyrirlestrarnir verða miðvikudaginn 6. mars frá kl. 13 til kl. 15 og verður kynjaskipt á þá. Kristín talar við stelpurnar og Snorri strákana.
Kristín er höfundur fræðslubókanna Stelpur!, Stelpur A-Ö og Stelpur geta allt. Snorri er framhaldsskólakennari við VMA og hefur meðal annars kennt kynjafræði og áfanga sem heitir karlmennska og lífsstíll.
Fyrirlestur Snorra kallast Karlmennska og jafnrétti – af hverju ættu karlar að vilja jafnrétti?
Fyrirlestur Kristínar kallast Stelpur geta allt! Fræðsla til stelpna með áherslu á mótun sjálfsmyndar og hvatningu.
Skyldumæting fyrir alla nemendur VA!
Lesa meira
05.03.2013
Dagana 6. – 8. mars eru opnir dagar í Verkmenntaskóla Austurlands. Þá leggja nemendur skólabækurnar til hliðar og vinna í óhefðbundnari verkefnum. Búið er að raða nemendum í hópa og hægt er að sjá hópana á auglýsingatöflum skólans. Allir hópar byrja kl. 8:30 í skólastofum skólans.
Eftir hádegi á miðvikudag verða kynjaskiptir fyrirlestrar þar sem Snorri Björnsson fjallar m.a um karlmennsku og jafnrétti fyrir karlkyns nemendur skólans og Kristín Tómasdóttir verður með fræðslu til stelpnanna með áherslu á mótun sjálfsmyndar og hvatningu. Skyldumæting er á þessa fyrirlestra.
Lesa meira
01.03.2013
Háskóli í Esbjerg, Erhvervs Akademi Sydvest, verður með kynningu fyrir eldri nemendur í VA mánudaginn 4. mars kl. 8:30 í fyrstu stofu.
Skólinn býður upp á fjölbreytt nám bæði diplóma (2 ár) og bachelornám (+1,5ár /+2ár) og allir vita að það er bæði ódýrt og skemmtilegt að stunda nám í Danmörku. Boðið er upp á að námið fari fram á ensku og dönsku. Nánari upplýsingar:www.easv.dk
Lesa meira
28.02.2013
"Að éta börnin sín - hugleiðingar um byltingu"
Fimmtudaginn 28. febrúar kl. 20.00 - 22.00 í sal Nesskóla
ERINDI FLYTUR
Guðjón H Hauksson, ráðvilltur faðir, kennari og tölvukall
Lesa meira
26.02.2013
Skólasýning á GRÍS verður kl. 15:00 á fimmtudag 28. febrúar (en ekki kl. 16:00 eins og auglýst var). Miðapantanir í síma 4771620. Aðrar sýningar eru: Föstudag 1. mars kl. 20:00 og kl 00:00 (miðnætursýning) og laugardag 2. mars kl. 20:00 (síðasta sýning). Sýningin hefur verið geysivel sótt og góður rómur gerður að frammistöðu leikara og annarra flytjenda.
Lesa meira
25.02.2013
Á hverri önn meta kennarar námslega stöðu og ástundun nemenda í hverjum áfanga, m.a. í þeim tilgangi að veita nemendum aðhald og leiðbeiningar við námið.
Miðannarmat skólans leggur grunn að lokaeinkunn hvers áfanga, en matið gildir allt að 20%. Matið byggir m.a. á prófum, verkefnaskilum, vinnubrögðum og ástundun.
Miðannarmatseinkunnir eru aðgengilegar í Innu og einnig verða þær sendar foreldrum nemenda yngri en 18 ára.
Lesa meira
22.02.2013
ÞRIÐJUDAGINN – 26.FEB.
09:50 – 10:20. Hollur morgunverður í setustofu nemenda. Niðurskornir ávextir o.fl..
10:40 – 11:30. Keppt í Sundbolta, Kafsundi, ormasundi, glasasundi o.fl.. Pottur á eftir. ALLIR AÐ MÆTA
– SKRÁNING Á STAÐNUM -
Lesa meira
14.02.2013
Söngleikurinn GRÍS verður frumsýndur í Egilsbúð föstudaginn 22. febrúar. Leikfélagið Djúpið og Leikfélag Norðfjarðar standa að sýningunni. Leikstjóri er Stefán B. Vilhelmsson og tónlistarstjóri er Þorsteinn Árnason.
Lesa meira
14.02.2013
Nemendur Verkmenntaskóla Austurlands tóku þátt í átakinu Milljarður rís upp: Upprætum ofbeldi gegn konum og stúlkum!
Nemendur og starfsfólk skólans hittust í matsal skólans og dönsuðu í hádeginu. Leikfélagið Djúpið stýrði fyrst dansi en þau eru að setja upp söngleikinn Grís. Við tók svo frjáls dans. Það var mikið stuð í matssalnum og nemendur stungu upp á að gera þetta reglulega.
Átaki sem þessu er ætlað að opna augu sem flestra fyrir þeim raunveruleika að þriðja hver kona verður fyrir ofbeldi á lífsleiðinni vegna kyns síns. Einn milljarður kvenna og stúlkna hefur þegar upplifað kynbundið ofbeldi og þess vegna var markmiðið að fá einn milljarð karla, kvenna, stelpna og stráka til að rísa upp og hrista heiminn með dansi. Þrátt fyrir að Ísland sé ekki stór hluti af einum milljarði þá lagði VA sitt að mörkum við að hrista heiminn með dansi. Á sama tíma dönsuðu höfuðborgarbúar í Hörpu í sama tilgangi.
Lesa meira
01.02.2013
Verkmenntaskóli Austurlands (VA) og Vinnuskóli Fjarðabyggðar hafa efnt til samvinnuverkefnis sem gefur nemendum Vinnuskólans kost á að kynna sér iðnnám í VA í eina viku á launum í byrjun júní. Verkefnið er ætlað nemendum í Fjarðabyggð sem hefja nám í 10. bekk að hausti.
Með því að nemendur vinni verkefni á verkstæðum skólans má ætla að þeir fá betri kynningu á iðnnámi. Þar með verði þeir líklegri til að mennta sig til starfa sem henta t.d. í sjávar-, iðn- og tæknifyrirtækjum.
Lesa meira
