Fréttir

Í dag, föstudaginn 13. febrúar, reis milljarður upp út um allan heim og dansaði saman. Hugmyndin er að nota dansinn sem byltingu til að hrista heiminn. Tilgangurinn er að vekja athygli á kynbundnu ofbeldi sem konur verða fyrir í út um allan heim. Byltingin er á vegum UN Women sem er stofnun innan Sameinuðu þjóðanna sem berst fyrir auknu jafnrétti og heimi þar sem konur og stúlkur þurfa ekki að óttast ofbeldi og njóta sömu tækifæra og karlmenn og strákar. Þetta er í annað skipti sem að nemendur og starfsfólk VA taka þátt í þessum viðburði en í ár var ákveðið að horfa til nærumhverfisins og fá fleiri með í byltinguna. Guðrún Smáradóttir danskennari slóst strax í hópinn og við bættust svo starfsfólk og nemendur Nesskóla auk almennings í Neskaupstað. Um 200 manns mættu í íþróttahúsið og dönsuðu undir stjórn Guðrúnar og skemmtu sér saman. Byltingin hefur vakið marga til umhugsunar um þetta mikilvæga málefni og dagurinn velheppnaður að mati þátttakenda.

Smellið á fyrirsögnina til að lesa fréttina.

Þriðjudaginn sl. var haldinn skólafundur. Fundurinn var óvenjulegur að því leyti að nemendaráð skólans sá um fundinn. Viðfangsefni fundarins var félagslíf skólans. Nemendum var skipt í þrjá hópa og fengu tækifæri til að koma skoðunum sínum á framfæri um allt sem viðkemur félagslífi skólans. Hvað má gera betur og hugmyndir að viðburðum sem nemendaráðið skipuleggur. Eftir að hóparnir höfðu skrifað hjá sér niðurstöður sínar voru þær kynntar fyrir öðrum nemendum og starfsmönnum skólans. Nemendur komu með margar góðar hugmyndir og komu á framfæri atriðum sem nemendaráðið ber að hafa í huga. Nemendaráðið mun eftir bestu getu reyna að fullnægja óskum þeirra.

byrjendanámskeið (FAB1INK01) Staðsetning Fab Lab Austurland Verkkennsluhús Verkmenntaskóla Austurlands (sambyggt íþróttahúsinu) Gengið inn um stiga á suðurhlið hússins

Boðað er til skólafundar þriðjudaginn 20. janúar n.k. Á fundinum verður rætt um félagslíf skólans og hvað nemendur geta gert til að bæta það. Fundurinn hefst klukkan 10:30 og er mæting í stofu 1. Allir nemendur skólans eru boðaðir á fundinn og mun stjórn NÍVA stjórna honum. Starfsfólk er velkomið á fundinn kl.11:15

VA mætir MR í kvöld kl.19:30. Keppninni er útvarpað á Rás 2. Lið VA skipa þau Þórunn Egilsdóttir, Sigurður Ingvi Gunnþórsson og Þorvaldur Marteinn Jónsson. Þjálfari liðsins er Óskar Ágúst Þorsteinsson.

Næstkomandi þriðjudag mætir gettu betur lið VA liði starfsfólks. Keppnin fer fram í stofu 1 og hefst kl.10:30. Á miðvikudaginn kl.19:30 mætir VA svo liði MR. Keppninni er útvarpað á Rás 2. Annars er dagskrá fyrstu umferðar eftirfarandi: Fyrri umferð Mánudagur 12.janúar Kl. 19.30 Borgarholtsskóli og Menntaskólinn á Ísafirði Kl. 20.00 Kvennaskólinn og Framhaldsskólinn í Austur - Skaftafellssýslu Kl. 20.30 Menntaskóli Borgarfjarðar og Fjölbrautaskóli Suðurlands Kl. 21.00 Framhaldsskólinn í Mosfellsbæ og Fjölbrautaskólinn við Ármúla Þriðjudagur 13.janúar Kl. 19.30 Fjölbrautaskólinn í Garðabæ og Landbúnaðarháskóli Íslands Kl.20.00 Framhaldssk. í Vestmannaeyjum og Menntaskólinn á Egilsstöðum Kl.20.30 Verzlunarskóli Íslands og Verkmenntaskóli Akureyrar Kl.21.00 Menntaskólinn á Akureyri og Menntaskólinn í Kópavogi Miðvikudagur 14.janúar Kl. 19.30 Menntaskólinn í Reykjavík og Verkmenntaskóli Austurlands Kl. 20.00 Fjölbrautaskóli Vesturlands og Menntaskólinn að Laugarvatni Kl.20.30 Fjölbrautaskóli Snæfellinga og Fjölbrautaskóli Norðurlands Vestra Fimmtudagur 15.janúar Kl. 19.30 Framhaldsskólinn á Húsavík og Tækniskólinn Kl. 20.00 Menntaskólinn við Sund og Fjölbrautaskólinn í Breiðholti Kl. 20.30 Flensborgarskólinn í Hafnarfirði og Fjölbrautaskóli Suðurnesja Dregið í viðureignir annarrar umferðar