Nemendur í lífsstílsáfanga

Allir nýnemar í VA sækja áfangann lífsstíl þar sem fjallað  er um andlegt, líkamlegt og félagslegt heilbrigði. Lögð er áhersla á forvarnir í víðu samhengi og nemendur fá tækifæri til að glöggva sig á gildismati sínu, hegðun, félagslegu umhverfi og framtíðarsýn.

Fyrsta skólavikan var nýtt í að þjappa nýnemahópnum saman og var meðal annars farið í leiki  og göngu upp á snjóflóðavarnargarða í frábæru veðri.