VA brautskráði 29 nemendur

Brautskráning fór fram frá Verkmenntaskóla Austurlands 25. maí í Egilsbúð, Norðfirði. Brautskráðir voru 29 nemar af 11 brautum. Nemendur VA fluttu tónlist, tuttugu og tíu ára afmælisárgangar mættu og fluttu ávörp og í lokin sungu allir viðstaddir lagið Sumarkveðju eftir Inga T. Lárusson við ljóð Páls Ólafssonar. Viðurkenningu hlutu 8 útskriftarnemar ýmist fyrir frábæran námsárangur eða aðra þætti skólastarfsins. Brautskráningar skiptust svo niður á brautir:

• 7 nemendur luku námi af félagsfræðibraut
• 1 nemandi lauk iðnmeistararéttindum í rennismíði
• 5 nemendur luku námi af náttúrufræðibraut
• 1 nemandi lauk námi í rafvirkjun
• 1 nemandi lauk námi af námsbraut fyrir stuðningsfulltrúa í grunnskólum
• 3 nemendur luku námi af sjúkraliðabraut
• 1 nemandi lauk námi af starfsbraut
• 3 nemendur luku námi í vélvirkjun
• 6 nemendur luku viðbótarnámi til stúdentsprófs
• 1 nemandi lauk námi af námsbraut fyrir leikskólaliða
• 1 nemandi lauk iðnmeistaranámi í vélvirkjun