Ýmsar upplýsingar fyrir heimavistarbúa

Heimavistin að Nesgötu 40 verður opnuð nemendum sunnudaginn 23. ágúst 2020 kl. 16:00. 

• 16:00   Undirritun húsaleigusamninga og afhending herbergja/lykla
• 17:00   Fundur í matsal með skólameistara, aðstoðarskólameistara, umsjónarmanni heimavistar, húsverði og matráði
• 18:00   Léttur kvöldverður

* Foreldrar/forráðamenn mæta með nemendum yngri en 18 ára og undirrita með þeim húsaleigusamning.

Hér má sjá ýmsar gagnlegar upplýsingar um heimavistina!

Gjaldskrá heimavistar og mötuneytis má sjá hér!

Á heimavistinni eru eldhúskrókar til afnota fyrir nemendur. Í þeim eru öll nauðsynleg tæki s.s. ísskápur, örbylgjuofn, brauðrist o.fl.  Góð umgengni er forsenda þess að sambýli um eldhúskróka gangi vel.

Nemendur hafi með sér: 

• Sæng og kodda
• Lín til einkaafnota, s.s. rúmföt og handklæði
• Leirtau til eigin afnota í eldhúskrókum en þar sér hver um sitt

Nemendur fá salernispappír og handsápu á heimavistinni.

Nemendur á vistinni nú á haustönn eru fleiri en herbergin og því geta ekki allir verið einir í herbergi. Því er mikilvægt að fá fram óskir um herbergisfélaga séu þær til staðar. Vinsamlegast sendið okkur slíkar óskir í tölvupósti á netfangið va@va.isfyrir hádegi föstudaginn 21. ágúst.   

Mötuneyti:

• Kostnaður fyrir fimm daga fæði á heimavist á haustönn er kr. 212 .500.- innifalið í því er morgunverður 5 daga vikunnar og hádegis- og kvöldmatur (kvöldmáltíð á föstudagskvöldum er ekki innifalin þar sem mötuneytið er lokað um helgar).
• Gjaldið er innheimt í 4 greiðslum – sjá hér nánari upplýsingar um gjalddaga o.fl.
• Stofnuð verður krafa í heimabanka nemenda eldri en 18 ára og hjá forráðamönnum nemenda yngri en 18 ára.

Matseðil má nálgast á heimasíðu skólans og einnig á Facebook síðu Matfélagsins.

Hér má lesa nánar um kostnað við heimavist og mötuneyti ásamt upplýsingum um jöfnunarstyrk og húsaleigubætur.

Að gefnu tilefni er þess farið á leit við ykkur að þið fylgið þeim reglum sem gilda við búsetu á heimavist VA.  Hér má finna heimavistarreglur og eruð þið beðin um að kynna ykkur þær vel áður en dvöl hefst. Við viljum að öllum líði vel á vistinni, þetta er ykkar heimili, þar eiga allir skjól.  Mikilvægt er að nemendur geri sér grein fyrir að sameiginleg þrif fylgja því að búa á heimavistinni ásamt því að þrífa eigið herbergi.