Fréttir

Á morgun, miðvikudaginn 1. september, verður nýtt leiðakerfi almenningssamgangna Fjarðabyggðar tekið í gagnið. Samfara því fylgja smávægilegar breytingar á stundatöflu nemenda. Í stað þess að skóla ljúki kl. 16:00 mánudaga – fimmtudaga mun skóla ljúka kl. 15:50. Tímasetningar einstakra tíma munu í einhverjum tilfellum einnig færast til. Nemendur eru hvattir til þess að kynna sér málið vel í INNU.

Okkur langar að bjóða forsjáraðilum á kynningarfund um eitt og annað sem við kemur skólastarfinu á morgun, miðvikudaginn 1. september kl. 17-18. Ef einhverjir eiga um langan vega að fara og sjá sér alls ekki fært að mæta verður boðið upp á spjallfund í fjarfundi frá kl. 18:00 – til 18:30.

Í fréttinni má finna upplýsingar um fyrsta skóladaginn og rútuferðir fyrstu vikuna.

Töluverðar breytingar hafa orðið á skipan stjórnenda í skólanum nú á haustdögum.

Skrifstofa VA verður lokuð vegna sumarleyfa frá og með 19. júní til þriðjudagsins 3. ágúst kl. 10:00. Ef einhver þarf nauðsynlega að ná í skólann á meðan skrifstofan er lokuð er hægt að senda tölvupóst til skólameistara, lilja@va.is Njótið sumarsins - hlökkum til að taka á móti ykkur í ágúst!

Eins og gengur og gerist koma nemendur skólans víðs vegar að og hafa ýmsum hnöppum að hneppa samhliða náminu. Á laugardaginn brautskráðist Guðný Drífa Snæland af námsbraut fyrir stuðningsfulltrúa og leikskólaliða sem kennd er í fjarnámi. Hún gat ekki verið viðstödd athöfnina en gat þá notið beinu útsendingarinnar í gegnum Youtuberás skólans. Guðný fylgdist klökk með athöfninni úr fjárhúsinu enda er nú tíminn þar sem sauðburður er í sveitum landsins. Það eru svo sannarlega tækifæri til að taka virkan þátt í náminu í VA sama hverjar aðstæðurnar eru. Á myndinni má sjá Guðnýju fylgjast með athöfninni úr fjárhúsinu.

Fyrr í dag fór fram brautskráning frá Verkmenntaskóla Austurlands í Tónlistarmiðstöð Austurlands á Eskifirði. Brautskráningin var lituð af samkomutakmörkunum líkt og í fyrra en þó voru gestir í salnum í þetta sinn. Takmarkaður fjöldi gesta mátti fylgja hverjum útskriftarnema og var því athöfninni streymt í beinni útsendingu í gegnum YouTuberás skólans. Alls brautskráðust 28 nemendur af 10 námsbrautum en það er lýsandi fyrir hið fjölbreytta námsframboð skólans.

Námsmats- og prófasýning verður fimmtudaginn 20. maí kl. 12:00 – 13:00